عبدالله بن مسعود رضي الله عنه جامعه کې د عربي ژبې دورې لپاره نوم لیکنه پیل شوه
عبدالله بن مسعود رضي الله عنه جامعه کې د لوړو زده کړو وزارت قدرمن مقام تر نظر لاندې د عربي ژبې یوې میاشتنۍ دورې لپاره نوم لیکنه پیل شوه.
د یادې جامعې د فاضلانو چارو آمر مولوي محمد یعقوب هاشمي وایي، په دې دوره کې صرف هغه کسان نوم لیکنه کولای شي، چې د عالمیې دورې څخه فارغ وي او د دې دورې په جریان کې به هره ورځ ٢٤ ساعته په جامعه کې پاتې کیږي.
د یادونې وړ ده، چې نوم لیکنه به د روانې رجب مياشتې تر ٢٧ مې نېټې پورې دوام لري، چې د همدې میاشتې په ٢٨ مه نېټه به د یادې دورې درسونه په عملي او نظري بڼه پیلیږي.
