د عبدالله بن مسعود رضي الله عنه جامعې د علمي شورا غونډه وشوه
د یادې جامعې د علمي شورا غونډه د تېرې علمي شورا په لړ کې د جامعې د رئیس مفتي احسان الله احسان په مشرۍ ترسره شوه، چې د فاضلانو او علمي چارو مرستیال، د تخصصاتو رئیس او د علمي شورا غړو په کې ګډون درلود.
په پیل کې ښاغلي احسان مقدماتي خبرې وکړې او د جامعې د یو لړ اړینو مسایلو په اړه په وزارت مقام کې د شوي مجلس راپور وړاندې کړ.
همدارنګه د تېرې علمي شورا د پریکړو تعقیب او څارنه وشوه او په اړوندو برخو کې د لازمو کړنو د ترسره کیدو ډاډ ترلاسه شو.
په غونډه کې د جامعې د فاضلانو د علمي رسالو د کړنلارې په اړه، د جامعې په دارالافتاء کې د بهرنیو استفتاوو په اړه، د روان کال د فاضلانو د فراغت غونډې او په شعبان او رمضان میاشتو کې فاضلانو ته د لنډمهاله علمي او ګټورو پروګرامونو د وړاندې کولو په اړه مشورې وشوې او په اړوندو برخو کې ځانګړو کمېټو ته دنده وسپارل شوه، چې د یادو کړنو لپاره خپلې طرحې او وړاندیزونه د جامعې له رهبرۍ سره شریک کړي.
دغه راز په غونډه کې پر یو شمېر نورو اړینو موضوعاتو هم خبرې وشوې، چې په اړه یې لازمې پریکړې وشوې.
