د عبد الله بن مسعود رضي الله عنه جامعه تر فتحې مخکې  په (۱۴۴۰) هجري قمري کال کې د افغانستان اسلامي امارت لخوا د یو دیني – تخصصي او تحصیلي بنسټ په توګه تأسیس شوې ده. او د (۱۴۴۳) هجري قمري کال راهیسې د لوړو زده کړو وزارت تر چتر لاندې د یو خپلواک رسمي اداري واحد په توګه د هېواد په علمي او تحصیلي ډګر کې فعالیت کوي.

په دغه جامعه کې د دیني علومو په برخه کې د تخصص (دوکتورا) تر کچې لوړې زده کړې ترسره کیږي.

 

د جامعې ارزښتونه

ارزښتونه منل شوی اصول دي چې جامعه هغه ته وفاداره او د خپلو فعالیتونو په بهیر کې يې تعقیبوونکې ده!

1. ټولو ديني او ملي ارزښتونو ته درناوی.
2. د ټولنې د ترقۍ لپاره ارزښتمند تحقیقي خدمات او له نورو اداراتو سره ګډ کار او همکاري.
3. د علمي او اکاډمیکې سپېڅلتیا ساتل.
4. د اسلامي او فکري سرحدونو ساتنه.
5. په جامعه کې د با نظم او ډیسپلین علمي فضاء حاکمول.
6. د هېواد او ټولنې د آبادۍ او ترقۍ په لاره کې ځان متعهد او مسؤل ګڼل.
7. په ټولو اداري او تدریسي چارو کې د شفافیت ساتل.
8. له ټولو داخلي، سیمه ییزو او نړیوالو ورته بنسټونو سره د همکارۍ ساتل او پیاوړتیا.
9. د مالي او اکاډمیک استقلالیت ساتل.
10. د خپل مقام او دريځ ساتل.
11. د نیکو اخلاقو، ایماندارۍ، ریښتینولۍ او عدالت ترویج.Bottom of Form

 

جامعې ستراتېژیکې موخې

په دیني علومو کې د تخصص د یوتحصیلي بنسټ په حیث زموږ لوی او ستراتيژیک اهداف په لاندي ډول دي!

1. د ټولنې د بېلابېلو برخو د شته اړتیاوو د رفع په موخه د متخصصو او ژمنو علمي کادرونو تربیه.
2. په ملي سطحه د تخصص د جامعاتو په رديف کې خپل لوړ مقام ساتل.
3. له ورځنیو او نویو روشونو څخه په استفادې غوره علمي او تحقیقی خدمات وړاندې کول.
4. د ورځنیو اړتیاوو په نظر کې نیولو سره د اوسنیو پروګرامونو حفظ او په دغه برخه کې دنورو پروګرامونو ایجاد.
5. د اداري او تدریسي چارو لپاره ځانګړي تعمی رونه درلو دل.
6. د ۲۴ ساعتونو لپاره د استاد-فاضل د حضور سیستم تعقیب او لا پاملرنه.
7. د ظرفیت لوړونې او کیفیت ساتلو ته جدي پاملرنه.
8. د کورنیو ،سیمه ییزو او نړیوالو ورته نهادونو سره د علمي او تحقیقي روابطو او همکاریو ټینګول او پراختیا.
9. د تخصص په برخه کې د یوشان او متوازنو خدماتو وړاندي کول.
10. د علمي څېړنو پر مټ دتولنې د اړتیاوو پوره کول او د معل وماتو توليد.
11. دټولنې په پرمختګ کې ونډه اخیستل.