د عبدالله بن مسعود رضي الله عنه جامعې د علمي شورا غونډه وشوه
د عبدالله بن مسعود رضي الله عنه جامعې د علمي شورا غونډه د جامعې د فاضلانو او علمي چارو مرستیال مفتي روح الله آخندزاده په مشرۍ ترسره شوه، چې د مالي او اداري چارو مرستیال، د دیني تخصصاتو رئیس او د علمي شورا نورو غړو په کې ګډون درلود.
په پیل کې ښاغلي آخندزاده مقدماتي خبرې وکړې او د جامعې د علمي شورا د غونډو او تشکیل په اړه معلومات وړاندې کړل، چې په اړه یې لازمې مشورې وشوې.
همدارنګه د دیني تخصصاتو د علمي شورا په تړاو هم بحث وشو.
په غونډه کې د تحصیلي بنسټونو د علمي سیر او عملي زده کړو د سمستروار پلان، د جامعې او ریاض العلوم د فاضلانو څېړنیزو رسالو د تائید او اشراف، د کیفیت د تضمین او ظرفیت لوړونې کمېټې، د دعوت او ارشاد کمېټې او د جامعې د علمي مجلې په اړه هر اړخیز بحثونه او لازمې پریکړې وشوې.
دغه راز په غونډه کې پر یو شمېر نورو اړینو موضوعاتو هم خبرې او مشورې وشوې، چې په اړه یې ځانګړو کمېټو ته په اړوندو برخو کې دندې وسپارل شوې.
