د فراغت غونډې لپاره د چمتوالي په موخه د کمېټو له مسولینو سره د همغږۍ ناسته وشوه
د عبدالله بن مسعود رضي الله عنه جامعې د رهبرۍ غړو د ١٤٠٣ کال د افتاء او قضاء تخصص د فاضلانو د فراغت غونډې لپاره د چمتوالي په موخه د کمېټو له مسولینو سره د همغږۍ غونډه وکړه.
په غونډه کې د جامعې د مالي او اقتصادي کمېټې د کړنو راپور شریک شو، چې په اړه یې پوره او هر اړخیز معلومات وړاندې شول.
دغه راز د فرهنګي کمېټې، استقبالیه کمېټې او خدماتي کمېټې مسولینو هم په اړوندو برخو کې د ترسره شویو کړنو راپور او د راتلونکو کړنو په اړه معلومات وړاندې کړل.
د چارو د ښې همغږۍ په موخه د رهبرۍ له لوري د کمېټو ټولو مسولینو ته لازمې سپارښتنې وشوې، ترڅو هره کمېټه خپلې دندې پر وخت او په منظم ډول ترسره کړي.
