د لوړو زده کړو وزارت سرپرست وزیر د عبدالله بن مسعود رضي الله عنه جامعې څخه لیدنه وکړه
د لوړو زده کړو وزارت سرپرست وزیر شیخ الحدیث مولوي نداء محمد ندیم د عبدالله بن مسعود رضي الله عنه جامعې په عمومي کتابتون کې د فاضلانو د مطالعاتي او تدریسي بهیر نه کتنه وکړه او فاضلانو ته د هڅونې او تشویق په موخه نغدي انعامونه ورکړل.
وروسته ښاغلي ندیم د جامعې د مالي او اداري چارو معاونیت کې له مالي او اداري مرستیال مفتي احمدالله انوري نه د جامعې د روانو چارو په اړه معلومات ترلاسه کړل؛ د جامعې د منظم تدریسي او مطالعاتي بهیر نه یې خوښي څرګنده کړه او په اړوندو برخو کې یې ښاغلي انوري ته لازمې سپارښتنې وکړې.
